काठमाण्डू, २० अखारः सरकार सुरक्षा सङ्गठनक सुदृढीकरण करैत आन्तरिक सुरक्षाकेँ मजबुत बनेबाक अभियानकेँ उच्च प्राथमिकता देने अइछ । प्रधानमन्त्री वालेन्द्र शाहक नेतृत्वमे गठित सरकार नेपाल प्रहरी आ सशस्त्र प्रहरी बलके आधुनिकीकरण आ प्रविधिसँ युक्त बनेबाक लेल विभिन्न योजना आगाँ बढ़ाएब अइछ।

बीतल भादब २३ आ २४ गतेक जेनजी प्रदर्शनक क्रममे भेल घटनाक कारण कमजोर बनल सुरक्षाकर्मीक मनोबल अभिवृद्धि करैत सेवासुविधा वृद्धिमे सरकारक प्रयास केन्द्रित अइछ । आगाँ आर्थिक वर्षक बजेट वक्तव्य मार्फत सरकार नेपाल प्रहरी आ सशस्त्र प्रहरीक अवकाशक सेवा अवधि आ निवृत्तभरण शुरू होएबला अवधिक बीचमे रहल विद्यमान अन्तर पुनरावलोकन करबाक उद्घोष कएने अइछ ।

सशस्त्र प्रहरी बलकेँ अन्तर्राष्ट्रीय सीमासुरक्षाक ‘डेडिकेटेड’ व्यावसायिक फोर्सक रूपमे विकास करबाक लक्ष्य अइछ । प्रहरीक पहिरन खरिदमे होइत आबल आर्थिक अनियमितता आ न्यून गुणस्तरक समस्या अन्त करए लेल पहिरन बापतके नगद व्यक्तिगत रूपमे देबाक बहस शुरु कएने अइछ । 

ड्रोन तथा ‘नाइटभिजन’ क्यामेरा प्रयोगसँ अवैध गतिविधि नियन्त्रण कएल जेबाक सरकारक नीति अइछ । नेपाली सेना सहित सुरक्षा निकायके बन्दोबस्ती तथा आवश्यक सामग्री स्वदेशमे उत्पादन करबाक व्यवस्था क सुरक्षा क्षेत्रमे बाह्य निर्भरता कम कएल जेबाक नीति कार्यक्रममे समावेश अइछ । सरकारक अइ योजनासभक कार्यान्वयनसँ सुरक्षा सङ्गठनक कार्यसम्पादनमे प्रभावकारिता वृद्धि भ क राष्ट्रिय सुरक्षा मजबुत होबाक विश्वास कएल गेल अइछ ।

राष्ट्रिय प्रतिरक्षा प्रणालीक आधुनिकीकरण, अपराध अनुसन्धान क्षमताक विस्तार, आर्थिक अपराध नियन्त्रण, लगानी सुरक्षाक प्रत्याभूति तथा सार्वजनिक सेवा प्रवाहमे सुधारक क्षेत्रमे उल्लेखनीय प्रगति भेल अइछ । सुधार अभियानके बहुतो कार्यक्रम एखनो कार्यान्वयन आ प्रक्रियागत चरणमे भेलाक बादो सरकार सुरक्षा आ सुशासनकेँ दीर्घकालीन राष्ट्रिय प्राथमिकताक रूपमे स्थापित करबाक आधार तैयार कएने सुरक्षा क्षेत्रक जानकारसभहक कहब अइछ ।

प्रतिरक्षा क्षेत्रमे कानुनी आ संस्थागत सुधार
रक्षा क्षेत्रकेँ समयानुकूल, प्रभावकारी आ उत्तरदायी बनेबाक लक्ष्य सहित सरकार कानुनी, नीतिगत तथा संस्थागत सुधारकेँ तीव्रता देने अइछ । राष्ट्रिय प्रतिरक्षा विश्वविद्यालय स्थापना प्रक्रिया आगाँ बढ़ाएल गेल आ विश्वविद्यालय सञ्चालन तथा व्यवस्थापन सम्बन्धी विधेयक अन्तिम चरणमे पहुँचल अइछ ।

मनसुनजन्य विपदमे ‘शून्य’ मानवीय क्षतिक लक्ष्य
विपद पूर्वतैयारी आ प्रतिकार्यक सम्बन्धमे विगतक कमजोरीकेँ सुधारैत नवका योजना बनौने अइछ । राष्ट्रिय विपद जोखिम न्यूनीकरण तथा व्यवस्थापन प्राधिकरण ‘मनसुन पूर्वतैयारी तथा प्रतिकार्य राष्ट्रिय कार्ययोजना’ कार्यान्वयनमे अनने अइछ ।

मनसुन प्रतिकार्यक लेल १८ हजार सुरक्षाकर्मी ‘स्ट्यान्डबाई’
नेपाल प्रहरी आ सशस्त्र प्रहरी मनसुनजन्य विपद प्रतिकार्य आ पूर्वतैयारीक लेल १८ हजार फौज ‘स्ट्यान्डबाई’ रखने अइछ । सशस्त्र प्रहरी मनसुनजन्य विपद प्रतिकार्यक लेल देशक विभिन्न ५४ स्थानमे अस्थायी मनसुन प्रतिकार्य बेस स्थापना क आठ हजार १८० सशस्त्र प्रहरी कर्मचारीकेँ २४ घण्टा तैयारी अवस्थामे अइछ ।

राष्ट्रिय परिचयपत्र ‘डाउनलोड’ करबाक सुविधा

राष्ट्रिय परिचयपत्र सम्बन्धित व्यक्ति स्वयंद्वारा डाउनलोड क सकबाक सेवा शुरू कएने अइछ । राष्ट्रिय परिचयपत्र तथा पञ्जीकरण विभाग अइ अखार ४ गतेसँ परीक्षणक रूपमे ओइ सेवा शुरू कएने अइछ । विभागक राष्ट्रिय परिचयपत्र सम्बन्धी वेबसाइट https://citizenportal.donidcr.gov.np/ne मार्फत व्यक्तिक तस्बिर आ अनलाइन भेरिफिकेसन क्यूआर कोड सहितके परिचयपत्र कार्ड डाउनलोड कएल जा सकत ।

औद्योगिक सुरक्षाक लेल द्रुत प्रतिक्रिया टोली
औद्योगिक तथा व्यावसायिक सुरक्षाक लेल सशस्त्र प्रहरी बलसँ ६०६ युनिटमे द्रुत प्रतिक्रिया समूह तैयारी अवस्थामे राखल गेल अइछ । गृह मन्त्रालयक अध्ययन कार्यदलक प्रतिवेदन बमोजिम जिलामे संयन्त्र गठन क २४ घण्टा सम्पर्क कएल जा सकबाक व्यवस्था मिलाएल गेल अइछ ।

सरकारक अइ प्रयाससभक कार्यान्वयनसँ देशक आन्तरिक सुरक्षा सुदृढ, सुरक्षित समाज आ झंझज रहित सेवा प्रवाह भ राज्य प्रति नागरिकके भरोसा मजबुत होएबाक अपेक्षा कएल गेल अइछ ।
–––