२२ चैत, काठमाडौं । नेपालको सबैभन्दा ठूलो र चर्चित ट्रेल रेसमध्ये एक मानिएको मञ्जुश्री ट्रेल रेसको छैटौं संस्करण आगामी वैशाख पहिलो साता आयोजना हुने भएको छ ।

आइतबार आयोजित पत्रकार सम्मेलनमा आयोजकले जानकारी दिँदै प्रतियोगिता आगामी अप्रिल १७ देखि १९ (२०८३ वैशाख ४ देखि ६) सम्म सञ्चालन हुने जनाएको हो । रेस चन्द्रागिरीस्थित पातले वन रिसोर्टबाट सुरु भई काठमाडौं उपत्यकाका विभिन्न ट्रेल पार गर्दै पुनः सोही स्थानमा समाप्त हुनेछ ।